My Movie World
----------o0o----------
The story of a
healer named Mabuti who, despite her poverty, still looks at life positively.
Everything changes, however, when she finds a bag containing a huge stash of
money.
Kwento ni Mabuti
na hindi sinasadyang makakita ng isang bungkos na pera na maaring lumutas sa
kahirapan ng kanyang pamilya. Ito ba ay isang madaling solusyon o di kaya’s
magdudulot pa ng maraming suliranin.
Nagustuhan ko ang
pagiging raw and authentic ng pelikula. Dinala ako ng director sa Nueva Vizcaya
at ipinakita ang buhay ng mga tao na naninirahan doon. Tumawid sa akin ang
lugar at amoy na amoy ko ang kapaligiran na ginagalawan nila. Ipinakita ng
pelikulang ito ang payak na pamumuhay at pang araw araw na suliranin ng isang pamilya
sa probinsya.
Si Ms. Nora Aunor
ay nagpakita ng totoo at natural na pag – arte sa kanyang tauhan na ginampanan.
Nagawa niyang iblend ang sarili niya
bilang si Mabuti. Bumagay ang kanyang pagganap bilang isa sa mga Ilokano na
naninirahan sa Nueva Vizcaya na animo’y parte talaga siya ng komunidad na iyon.
Si Mabuti ang nakita ko sa pelikulang ito at hindi si Ms. Nora Aunor.
Napakahusay din ng pagganap ni Mara Lopez, na muli na namang nagpamalas ng
lalim sa kanyang pag-arte. Gusto ko rin purihin ang gumanap na nanay ni Nora sa
pelikula na napakanatural ng pag arte at nagbigay ng kulay sa pelikulang ito.
May pagka subtle
and silent treatment ang ginawa sa pelikulang ito na nakatulong upang mas
maging natural at tumawid sa manonood ang
buhay ni Mabuti. Bumagay ang production desing at cinematography sa mood
ng pelikula. Hindi naging pretentious ang pelikulang ito at naging totoo sa
pagpapakita ng buhay sa probinsya.
Pagkatapos mong panoorin ang pelikulang ito ay iisipin mo na maari rin tayong
mamuhay ng payak sa isang malayong komunidad sa probinsya.
My Verdict: 4/5
No comments:
Post a Comment